नागपूर : वांद्रे टर्मिनस येथे झालेल्या चेंगराचेंगरीला प्रतिसाद म्हणून मध्य रेल्वेने अनेक प्रमुख स्थानकांवर प्लॅटफॉर्म तिकीट विक्रीवर तात्पुरते निर्बंध लागू केले आहेत. हा उपाय १३ दिवसांसाठी लागू असेल. त्यानंतर लगेच सुरू होईल. तसेच, ८ नोव्हेंबरपर्यंत, दिवाळी आणि छठ पूजेच्या जास्त रहदारीच्या प्रवासाच्या काळात. या निर्णयामुळे प्रभावित झालेल्या प्रमुख स्थानकांमध्ये छत्रपती शिवाजी महाराज टर्मिनस, दादर, लोकमान्य टिळक टर्मिनस, ठाणे, कल्याण, पुणे आणि नागपूर यांचा समावेश आहे.
दरम्यान, दिवाळीच्या गर्दीमुळे मुंबईतील वांद्रे टर्मिनसवर चेंगराचेंगरी झाली असून १० जण गंभीर जखमी झाले आहेत. घटनेचे गांभीर्य आणि स्थानकांवर होणारी गर्दी लक्षात घेऊन मध्य रेल्वेने मुंबईतील काही स्थानकांवर प्लॅटफॉर्म तिकिटांची विक्री बंद केली आहे. यामुळे आता प्रवाशांना सोडण्यासाठी लोकांना स्थानकाच्या बाहेरून परतावे लागणार आहे.
निर्बंध १३ दिवसांसाठी लागू!
रेल्वे अधिकाऱ्यांच्या म्हणण्यानुसार, छठ आणि दिवाळीसारख्या मोठ्या सणांमुळे मुंबईत राहणारे परप्रांतीय मोठ्या संख्येने त्यांच्या घरी परतत आहेत. त्यामुळे गाड्यांची गर्दी वाढली आहे. या प्रवाशांना ट्रेनमध्ये बसवण्यासाठी लोक मोठ्या संख्येने स्टेशनवर पोहोचतात. अशा परिस्थितीत गर्दीवर नियंत्रण ठेवणे कठीण झाले आहे. ही अतिरिक्त गर्दी रोखण्यासाठी रेल्वेने प्लॅटफॉर्म तिकिटांची विक्री तातडीने बंद केली आहे. हे निर्बंध १३ दिवसांसाठी लागू करण्यात आले आहेत. या व्यवस्थेअंतर्गत, या १३ दिवसांत ज्यांच्याकडे प्रवासाचे तिकीट आहे त्यांनाच मुंबईच्या स्थानकांवर प्रवेश मिळेल. त्याच वेळी ट्रेनमध्ये चढण्यासाठी स्टेशनवर पोहोचणाऱ्यांना स्टेशनच्या बाहेरून परतावे लागेल.
निर्बंध कधीपर्यंत लागू असणार?
राज्यातील निवडकप्रमुख रेल्वे स्थानकांवर प्लॅटफॉर्म तिकिटांच्या विक्रीवर तात्पुरते निर्बंध लागू करण्यात आले आहेत. दि. ८ नोव्हेंबर २०२४ पर्यंत हे निर्बंध राहणार आहेत. सणासुदीच्या काळात सुरळीत आणि सुरक्षित प्रवासासाठी प्रवाशांनी नियोजन करावे, असे आवाहन रेल्वेने केले आहे.
खालील स्थानकांवर मिळणार नाही प्लॅटफॉर्म तिकीट!
मुख्य रेल्वेस्थानक नागपूर, छत्रपती शिवाजी महाराज टर्मिनस, दादर रेल्वेस्थानक, लोकमान्य टिळक टर्मिनस, ठाणे रेल्वेस्थानक, कल्याण रेल्वेस्थानक आणि पुणे रेल्वेस्थानकावर प्लॅटफॉर्म तिकीट मिळणार नाही.
वृद्धांना, रुग्णांना सूट!
गर्दी टाळण्यासाठी रेल्वे प्रशासनाने ही व्यवस्था केली आहे. मात्र, त्यातून ज्येष्ठ नागरिक आणि रुग्णांना सूट देण्यात आली आहे. त्यांच्या मदतीसाठी येेणाऱ्यांना हे निर्बंध लागू होणार नसल्याचे रेल्वेने स्पष्ट केले आहे.
