मुंबई : राज्याचे उपमुख्यमंत्री अजित पवार यांच्या नेतृत्त्वातील राष्ट्रवादी काँग्रेस पक्षाने विधानसभा निवडणुकीसाठी आपल्या उमेदवारांची तिसरी यादी जाहीर केली आहे. राष्ट्रवादी काँग्रेस अजित पवार गटाचे प्रदेशाध्यक्ष सुनिल तटकरे यांनी आज तिसऱ्या यादीची घोषणा केली. मात्र तरीही, राष्ट्रवादीचे ज्येष्ठ नेते नवाब मलिक यांच्या उमेदवारीवरील सस्पेन्स कायम आहे.
दरम्यान, सुनिल तटकरे यांनी विधानसभा निवडणुकीसाठी तिसऱ्या यादीतील चार उमेदवारांची घोषणा केली आहे. यात गेवराई मतदारसंघातून विजयसिंह पंडित, फलटण मतदारसंघातून सचिन सुधाकर पाटील, निफाड मतदारसंघातून दिलीप बनकर, पारनेरमधून काशिनाथ दाते यांच्या नावांची घोषणा करण्यात आली आहे. महायुतीच्या वतीने राष्ट्रवादी काँग्रेसचे हे अधिकृत उमेदवार असल्याचे त्यांनी म्हटले आहे. तसेच, १० जागांच्या बाबतीत निर्णय आज दुपारपर्यंत जाहीर करणार असल्याचे देखील तटकरे यांनी स्पष्ट केले आहे.
नवाब मलिक यांच्या उमेदवारीवर सस्पेन्स कायम!
या तिसऱ्या यादीत नवाब मलिक यांच्या नावाची घोषणा होईल असा अंदाज होता. मात्र, त्यांच्या उमेदवारीवर सस्पेन्स कायम आहे. नवाब मलिक हे अणुशक्तीनगरचे विद्यमान आमदार आहेत. त्यांच्या ऐवजी त्यांची कन्या सना मलिक यांना उमेदवारी जाहीर करण्यात आली आहे. दरम्यान, राष्ट्रवादी काँग्रेस (अजित पवार) पक्षाने पहिल्या यादीमध्ये ३८ उमेदवारांची नावे जाहीर केली होती. महायुतीच्या सूत्रांनी दिलेल्या फॉर्म्युल्यानुसार राष्ट्रवादी काँग्रेस ५५ जागा लढणार असल्याची माहिती आहे.
नवाब मलिकांबाबत काय म्हणाले सुनील तटकरे?
राष्ट्रवादी काँग्रेसचे ज्येष्ठ नेते नवाब मलिक यांच्याविषयी सुनील तटकरे यांना विचारले असता ते म्हणाले, नवाब मलिक यांना पक्षातील नेते भेटत आहेत. ते पक्षातील ज्येष्ठ नेते आहेत. आमचे सहकारी आहेत. त्यांच्याशी चर्चा करण्यासाठी आम्ही भेटत असतो, असे उत्तर त्यांनी दिले.
राष्ट्रवादी काँग्रेस (अजित पवार गट) पक्षाने आतापर्यंत जाहीर केलेल्या उमेदवारांच्या नावाची यादी-
बारामती- अजित पवार
येवला- छगन भुजबळ
आंबेगाव- दिलीप वळसे पाटील
कागल- हसन मुश्रीफ
परळी- धनंजय मुंडे
दिंडोरी- नरहरी झिरवाळ
अहेरी- धर्मरावर बाबा अत्राम
श्रीवर्धन- आदिती तटकरे
अंमळनेर- अनिल भाईदास पाटील
उदगीर- संजय बनसोडे
अर्जुनी मोरगाव- राजकुमार बडोले
माजलगाव- प्रकाश दादा सोळंके
वाई- मकरंद पाटील
सिन्नर- माणिकराव कोकाटे
खेड आळंदी – दिलीप मोहिते पाटील
अहमदनगर शहर- संग्राम जगताप
इंदापूर- दत्तात्रय भरणे
अहमदपूर- बाबासाहेब पाटील
शहापूर- दौलत दरोडा
पिंपरी- अण्णा बनसोडे
कळवण- नितीन पवार
कोपरगाव- आशुतोष काळे
अकोले – किरण लहामटे
वसमत- चंद्रकांत उर्फ राजू नवघरे
चिपळूण- शेखर निकम
मावळ- सुनील शेळके
जुन्नर- अतुल बेनके
मोहोळ- यशवंत माने
हडपसर- चेतन तुपे
देवळाली- सरोज आहिरे
चंदगड – राजेश पाटील
इगतुरी- हिरामण खोसकर
तुमसर- राजे कारमोरे
पुसद -इंद्रनील नाईक
अमरावती शहर- सुलभा खोडके
नवापूर- भरत गावित
पाथरी- निर्णला विटेकर
मुंब्रा-कळवा- नजीब मुल्ला
गेवराई- विजयसिंह पंडित
निफाड- दिलीप बनकर
फलटन- सचिन पाटील
पारनेर-काशिनाथ दाते
