मुंबई : मुख्यमंत्री एकनाथ शिंदे यांच्या शिवसेनेची महाराष्ट्र विधानसभा निवडणुकीसाठी मंगळवारला रात्री उशिरापर्यंत पहिली यादी जाहीर करण्यात आली आहे. शिदेंच्या नेतृत्वात लढली जाणारी ही पहिली निवडणूक असून आता शिवसेनेने ४५ उमेदवार जाहीर केले आहेत. एकनाथ शिंदे यांच्या शिवसेनेने प्रसिद्धी पत्रकारद्वारे ही पहिली यादी जाहीर केली आहे.
दरम्यान, गेल्या काही दिवसांपासून महायुतीमध्ये जागा वाटपाच्या चर्चा सुरु होत्या. त्यानंतर भारतीय जनता पक्षाने पहिल्यांदा ९९ उमेदवारांची यादी जाहीर केली होती. त्यानंतर अजित पवारांनी पुढचे पाऊल टाकत १७ जणांना एबी फॉर्मचे वाटप केले होते. तसेच, एकनाथ शिंदेंनी आता ४५ उमेदवार जाहीर केले आहेत. शिदेंच्या पहिल्या यादीत अनेक विद्यमान आमदारांचा समावेश आहे.
शिंदेंच्या पहिल्या यादीत मंत्री उदय सामंतांसह त्यांच्या भावाचाही समावेश!
शिंदेंच्या शिवसेनेच्या पहिल्या यादीत मंत्री उदय सामंत यांच्या नावाचा समावेश आहे. शिवाय सामंत यांचे बंधू किरण सामंत यांना राजापूरमधून उमेदवारी जाहीर करण्यात आली आहे. रत्नागिरीमधून मंत्री उदय सामंत यांना पुन्हा एकदा संधी देण्यात आली आहे. तर दापोलीमधून योगेश कदमांना तिकीट देण्यात आले आहे. मात्र गुहागर विधानसभा मतदारसंघाची जागा पहिल्या यादीत जाहीर करण्यात आलेली नाही.
यादी जाहीर करताना मुख्यमंत्री म्हणाले…
शिवसेनेची पहिली यादी जाहीर करताना मुख्यमंत्री यांनी सोशल मीडियावर एक पोस्ट लिहीली आहे. त्यात ते म्हणाले की, जय महाराष्ट्र हिंदुहृदयसम्राट वंदनीय शिवसेनाप्रमुख बाळासाहेब ठाकरे आणि वंदनीय धर्मवीर आनंद दिघे साहेबांच्या आशीर्वादाने महाराष्ट्र विधानसभा निवडणूक २०२४ साठी शिवसेना पक्षाच्या अधिकृत उमेदवारांची यादी जाहीर करण्यात येत आहे. सर्व उमेदवारांना विजयी शुभेच्छा.
शिंदेंच्या शिवसेनेची उमेदवार यादी!
1. एकनाथ शिंदे – कोपची पाचपाखाडी
2. साक्री – मंजुळा गावीत
3. चोपडा – चंद्रकांत सोनवणे
4. जळगाव ग्रामीण – गुलाबराव पाटील
5. पाचोरा – किशोर पाटील
6. एरंडोल – अमोल पाटील
7. मुक्ताईनगर – चंद्रकांत पाटील
8. बुलढाणा – संजय गायकवाड
9. मेहकर – संजय रायमुलकर
10.दर्यापूर – अभिजीत अडसूळ 11. आशिष जयस्वाल – रामटेक
12. भंडारा – नरेंद्र भोंडेकर
13. दिग्रस – संजय राठोड
14. नांदेड उत्तर – बालाजी कल्याणकर
15.कळमनुरी – संतोष बांगर
16. जालना – अर्जुन खोतकर
17.सिल्लोड – अब्दुल सत्तार
18.छ संभाजीनगर मध्य – प्रदीप जयस्वाल
19. छ. संभाजीनगर पश्चिम – संजय सिरसाट
20. पैठण – रमेश भूमरे
21.वैजापूर – रमेश बोरनारे
22.नांदगाव – सुहास कांदे
23. मालेगाव बाह्य – दादाजी भूसे
24. ओवळा माजीवडा – प्रताप सरनाईक
25. मागाठाणे – प्रकाश सुर्वे
26. जोगेश्वरी पूर्व – मनीषा वायकर
27. चांदिवली – दिलीप लांडे
28. कुर्ला – मंगेश कुडाळकर
29. माहीम – सदा सरवणकर
30. भायखळा – यामिनी जाधव
31. कर्जत महेंद्र थोरवे
32. अलिबाग – महेंद्र दळवी
33. महाड – भरत गोगावले
34. उमरगा – ज्ञानराज चौगुले
35. सांगोला – शहाजीबापू पाटील
36. कोरेगाव – महेश शिंदे
37. परांडा – तानाजी सावंत
38. पाटण – शंभूराज देसाई
39. दापोली – योगेश कदम
40. रत्नागिरी – उदय सामंत
41. राजापूर – किरण सामंत
42. सावंतवाडी – दीपक केसरकर
43. राधानगरी – प्रकाश आबिटकर
44. करवीर – चंद्रदीप नरके
45. खानापूर – सुहास बाबर
