आज ज्येष्ठागौरी पुजन दिनी चंद्र अहोरात्र वृश्चिक व धनु राशीतुन आणि ज्येष्ठा नक्षत्रातुन भ्रमण करणार असुन, प्रीती योग व विष्टी करण राहील. तसेच, चंद्र गुरू व हर्षलशी षडाषटक योग करणार आहे. कसा घटीत होईल आजचा दिवस! त्यामुळे आज कुणाच्या नशिबात काय लिहिलंय, जाणून घ्या राशिभविष्यातून.
मेष
आज चंद्र हर्षल षडाष्टक योगात घरामध्ये तुमचे विचार इतरांना पटणार नाहीत. त्यामुळे मतभेद होण्याची शक्यता आहे. घरातील स्त्रियांच्या तब्येतीची काळजी घ्यावी लागेल. परदेशगमनात अडचणी आल्यामुळे परदेशी जाण्याचे बेत लांबणीवर पडतील. झोपेच्या तक्रारी डोके वर काढू शकतील. शेअर बाजारात गुंतवणूक करताना अविचार होण्याची शक्यता आहे.
वृषभ
आज चंद्र हर्षल योगात अंहकारी वृत्तीमुळे यांचे नुकसान होऊ शकते. वैवाहिक जीवनात ताणतणावाचे प्रसंग निर्माण होऊ शकतात. अती भावनाप्रधानतेमुळे मात्र मनःस्तापाचे प्रसंग येतील. आलेला पैसा ताबडतोब गुंतवणूक करणे हिताचे ठरेल. मुलाच्या बाबतीत वाजवी पेक्षा जास्तच विचार कराल. कुटुंबातील आपसातील मतभेद वाढू नयेत याची काळजी घ्या.
मिथुन
आज गुरू चंद्र योगात नवीन योजना यशस्वी होतील. मनःशांती मिळू शकते. फक्त यामध्ये थोडे धाडस दाखवा. आपल्या महत्त्वाकांक्षी योजनांचे नियोजन चाणाक्षपणे कराल व त्यात यशस्वी व्हाल. प्रेमप्रकरणात यश मिळण्याची शक्यता. सहलीचे बेत ठरतील. नोकरीत आत्मविश्वास द्विगुणित होण्याची शक्यता.
कर्क
आज चंद्र गुरू षडाष्टक योगात विद्यार्थ्यांनी आत्मविश्वासाने अभ्यासा कडे लक्ष द्यावे. प्रवासात वादविवाद टाळा. वैवाहिक जीवनात छोट्या मोठ्या तडजोडी कराव्या लागू शकतात. कुटुंबातील इतर व्यक्तींमुळे त्रास सहन करावे लागू शकते. अशावेळी मानसिक अस्थिरता जाणवेल. संतीतीबाबत महत्त्वाचे निर्णय घेताना थोडे गोंधळून जाल. त्यांच्या करिअर संबंधी चिंतेत पडण्याची शक्यता.
सिंह
आज चंद्र हर्शल योगात घरात वादाचे मुद्दे उत्पन्न झाले तर तडजोडीचे धोरण स्वीकारावे लागेल. आर्थिक उलाढाली यशस्वी होण्याची शक्यता. विश्वासाला न्याय देण्यासाठी जीवाचे रान कराल. स्वत:च्या हिमतीवर कामे पूर्णत्वाला न्याल. पैशाची अडकलेली कामे मात्र पार पाडण्याची शक्यता.
कन्या
आज चंद्र हर्षल योगात घरापासून दूर रहाण्याचे प्रसंग येऊ शकतात. खर्चाला अनेक वाटा फुटतील. घरातील वडीलधाऱ्या व्यक्तींची काळजी घेणे आवश्यक आहे. आज वाहने जपून चालवा. तुमच्या स्वतंत्र आचार विचाराचे फायदे तोटे अनुभवास येतील. परंतु कर्तृत्वाची वेगवेगळी क्षेत्र तुमच्यासाठी खुली होण्याची शक्यता.
तूळ
आज प्रिती योगात कामाच्या ठिकाणी तुम्हाला सहकार्य चांगले मिळणार असल्याची शक्यता. आरोग्या बाबतीत उपचार वेळेवर घ्यावे. हाताखालच्या लोकांचे सहकार्य उत्तम ठरू शकतील. तुम्ही इतके आशावादी आहात की तुमच्याकडे पाहून तुमच्या जवळच्या लोकांना उत्साह वाटेल. प्रकृती अस्वास्थ्य थोडे जाणवेल. जमीन बांधकाम क्षेत्रातील व्यक्तींना पूर्वी केलेल्या कार्याचा मोबदला मिळण्याची शक्यता.
वृश्चिक
आज गुरू चंद्र संयोगात राजकारणातील व्यक्तींना समाजाचा प्रचंड प्रतिसाद मिळेल आणि काम करण्यास उत्साह येईल. फक्त कुठेही टोकाची भूमिका घेऊ नका. अती महत्त्वाकांक्षा असमाधान निर्माण करेल. वारसा हक्काने धनप्राप्तीची शक्यता राहिल.
धनु
आज विष्टी करणात अधिकाराच्या जागेवर असणाऱ्यांना मानसिक स्वास्थ्य देणाऱ्या घटना घडू शकतील. कामाच्या बाबतीत दुसऱ्यांना कामाला लावा. मर्दानी खेळ खेळणाऱ्यांना चांगले ग्रहमान आहेत. शैक्षणिक क्षेत्रात काम करणाऱ्यांना वेगवेगळ्या संधी मिळण्याची शक्यता. प्रवासात थोडा त्रास होण्याची शक्यता
मकर
आज चंद्रबल अनिष्ट असल्याने कामाबाबतीत थोडा आळशीपणा होऊ शकतो. परदेशा संदर्भात काही कामे असतील तर ती रखडतील. घरातील मोठ्या लोकांच्या तब्येतीची काळजी घ्यावी लागू शकते. विशेषतः आईच्या प्रकृतीची काळजी घेणे आवश्यक ठरू शकते. शत्रूच्या गुप्त कारस्थानाला बळी पडला नाहीत तरी त्रास होण्याची शक्यता.
कुंभ
आज मुलांकडून त्यांच्या धाडसाचे कौतुक ऐकायला मिळेल. धंद्यात वाढ होण्याची शक्यता. राजकारणी लोकांना आपला मान जपण्यासाठी संपर्क वाढवावा लागू शकतो. कष्टाच्या मानाने लाभ कमी मिळेल. परंतु नोकरी व्यवसायात मात्र आपला वेगळा ठसा उमटवाल. रोजगारात तुमची प्रगती होण्याची शक्यता.
मीन
आज गुरू चंद्र योगात कार्यक्षेत्रात एक वेगळाच ठसा तुम्ही उतरवणार आहात. जोडीदाराची साथ चांगली मिळण्याची शक्यता. नवीन घर स्थावर खरेदीचे योग येऊ शकतात. तुमचे एखाद्या विषयामध्ये जेवढे ज्ञान असेल त्याप्रमाणे पैसा निश्चित मिळणार असल्याची शक्यता. त्या दृष्टीने पुढे जायला हरकत नाही. व्यवसायात मनाप्रमाणे कामे मिळू शकतील.
