रश्मिका मंदान्ना हिने विविध चित्रपट उद्योगांमध्ये तिच्या प्रभावी कामासह संपूर्ण भारतातील सर्वात लाडक्या स्टार्सपैकी एक म्हणून तिचे स्थान निश्चित केले आहे. संदीप रेड्डी वंगा दिग्दर्शित ‘ॲनिमल’ मधील तिच्या भूमिकेनंतर तिची लोकप्रियता गगनाला भिडली, अशातच आता
रश्मिका आणखी एका महत्त्वाच्या हिंदी प्रोजेक्टसाठी सज्ज झाली आहे. तिचा आगामी चित्रपट छावा, जिथे ती विकी कौशलसोबत स्क्रीन शेअर करणार आहे. लक्ष्मण उतेकर दिग्दर्शित ‘छावा’ लवकरच निर्मितीला सुरुवात करणार आहे. या ऐतिहासिक नाटकात विकी कौशल मराठा नेते छत्रपती शिवाजी महाराज यांची भूमिका साकारणार आहे, तर रश्मिका त्यांच्या पत्नी येसूबाईची भूमिका साकारणार आहे.
‘छावा’ चित्रपटासाठी मराठी भाषा शिकली!
या चित्रपटासाठी विकीने खूप मेहनत घेतली आहे. विकी ‘छावा’ चित्रपटासाठी मराठी भाषा शिकला आहे. छत्रपती संभाजी महाराज हे मराठा नेते आणि प्रसिद्ध सम्राट छत्रपती शिवाजी महाराज यांचे पुत्र होते. त्यामुळे कलाकारांना त्यांच्या संवादांमध्ये काही मराठी टच दाखवणे महत्त्वाचे होते आणि म्हणून त्यांच्या पात्रांना न्याय देण्यासाठी विकी व रश्मिकाने त्यांचे मराठी उच्चार परिपूर्ण करण्यासाठी चार आठवड्यांचे प्रशिक्षण घेतले आहे. दरम्यान, ‘छावा’ चित्रपटात पात्रे पडद्यावर पूर्णपणे अस्सल आणि विश्वासार्ह दिसतील, याची खात्री करण्यासाठी निर्मात्यांना कोणतीही कसर सोडायची नव्हती, त्यामुळे त्यांना मराठी भाषा शिकणे हे गरजेचे होते.
रश्मिका मंदाना कडे प्रोजेक्ट्सची रोमांचक लाइन!
छावा व्यतिरिक्त, रश्मिकाकडे प्रोजेक्ट्सची रोमांचक लाइनअप आहे. ती अत्यंत अपेक्षीत ‘पुष्पा 2: द रुल’ साठी तयारी करत असून हा सिनेमा, ब्लॉकबस्टर ‘पुष्पा: द राइज’ चा सिक्वेल आहे, जिथे ती अल्लू अर्जुन सोबत दिसणार आहे. या व्यतिरिक्त, ए.आर मुरुगदास दिग्दर्शित आगामी ‘सिकंदर’ या चित्रपटात रश्मिका सलमान खान सोबत काम करणार आहे. हा चित्रपट ३० मार्चला थिएटरमध्ये दाखल होणार आहे.
