Maharashtra vidhansabha election 2024: राज्यातील विधानसभा निवडणुकांसाठी उमेदवारी अर्ज भरण्याचा आज शेवटचा दिवस असून भाजपची (BJP) 25 उमेदवारांची तिसरी यादी जाहीर करण्यात आली आहे. त्यामध्ये, वर्सोवातून पुन्हा एकदा भारती लव्हेकर यांना निवडणुकीच्या मैदानात उतरवण्यात आले आहे. लातूर शहरामधून अर्चना पाटील चाकूरकर तर चंद्रपूर मधून किशोर जोरगेवार यांना भाजपने संधी दिली आहे. विशेष म्हणजे किशोर जोगरेवार यांनी एकच दिवसापूर्वी भाजपात प्रवेश केला होता.
दरम्यान, भाजपने ९९ उमेदवारांची पहिली यादी जाहीर केली होती, त्यानंतर २२ उमेदवांची दुसरी यादी जाहीर केली. आता, भाजपने २५ उमेदवारांची तिसरी यादी जाहीर केली आहे. त्यामुळे, भाजपने १४६ उमेदवारांना आत्तापर्यंत मैदानात उतरवल्याचे दिसून आले. तिसऱ्या यादीत विदर्भातील २५ उमेदवारांच्या नावांची घोषणा करण्यात आली असल्याचे समजते.
तीन विद्यमान आमदारांना तिकीट नाकारलं!
भाजपने आज जाहीर केलेल्या उमेदवार यादीमध्ये तीन विद्यमान आमदारांची तिकिटे कापल्याचे दिसून येत आहे. त्यात आर्णीतून संदीप दुर्वै यांच्याऐवजी राजू तोडसाम यांना उमेदवारी देण्यात आली आहे. नागपूर मध्यमधून विकास कुंभारे यांच्याऐवजी प्रवीण दटके यांना उमेदवारी जाहीर झाली आहे. आर्वीतून दादाराव केचे यांच्याऐवजी सुमीर वानखेडे यांना तिकीट देण्यात आले आहे.
अवघा एक दिवस शिल्लक…
उमेदवारी अर्ज भरण्यासाठी आता अवघा एक दिवस शिल्लक राहिला आहे. विधानसभेसाठी २९ ऑक्टोबरपर्यंत उमेदवारी अर्ज भरता येणार आहे. आतापर्यंत महायुतीत शिवसेना शिंदे गटाकडून उमेदवारांच्या एकूण दोन याद्या जाहीर करण्यात आल्या आहेत. राष्ट्रवादी अजित पवार गटाकडून तीन तर भाजपकडून देखील तीन उमेदवारांच्या याद्या जाहीर करण्यात आल्या आहेत.
भाजपच्या २५ उमेदवारांची तिसरी यादी!
मुर्तिजापूर – हरीश पिंपळे
कारंजा -सई डहाके
तिवसा- राजेश वानखडे
मोर्शी- उमेश यावलकर
आर्वी-सुमित वानखेडे
काटोल- चरणसिंग ठाकूर
सावनेर – आशीष देशमुख
नागपूर मध्य – प्रवीण दटके
नागपूर पश्चिम – सुधाकर कोहले
नागपूर उत्तर – मिलिंद माने
साकोली – अविनाश ब्राह्मणकर
चंद्रपूर – किशोर जोरगेवार
आर्णी – राजू तोडसाम
उमरखेड – किशन वानखेडे
देगलूर- जितेश अंतापूरकर
डहाणू – विनोद मेढा
वसई – स्नेहा दुबे
बोरीवली – संजय उपाध्याय
वर्सोवा – भारती लव्हेकर
घाटकोपर पूर्व – पराग शाह
आष्टी – सुरेश धस
लातूर – अर्चना पाटील चाकूरकर
माळशिरस – राम सातपुते
कराड उत्तर – मनोज घोरपडे
पलूस -कडेगाव संग्राम देशमुख
