अभिनेता सोहम शाहचा हॉरर थ्रिलर चित्रपट तुंबाड ६ वर्षांच्या प्रतीक्षेनंतर थिएटरमध्ये परतला आहे. पुन्हा रिलीझ म्हणून, तुंबाड प्रेक्षकांची मने जिंकण्यासाठी सज्ज आहे. री-रिलीझमध्ये
पहिल्याच दिवशी या सिनेमाने कमाईच्या बाबतीत धमाका केला असून २०१८ चा रेकॉर्ड मोडला असल्याचे समजते.
दरम्यान, या चित्रपटाची जादू एवढ्या प्रमाणात चालली की आता तो कल्ट चित्रपट म्हणून ओळखला जातो. सोहम शाह स्टारर तुंबाड आता पुन्हा रिलीझ ट्रेंडचा भाग म्हणून मोठ्या पडद्यावर परतला आहे. सध्या या चित्रपटाबाबत प्रेक्षकांमध्ये प्रचंड हाईप आहे. तसेच,
रि-रिलीजमध्ये तुंबाडच्या ओपनिंग डे बॉक्स ऑफिस कलेक्शनचा ताजा अहवाल आला असून या चित्रपटाने स्वतःचा ६ वर्ष जुना रेकॉर्ड मोडला आहे.
री-रिलीझमध्ये तुंबाडची छान सुरुवात!
तुंबाड सिनेमा हा हिंदी भाषेतील पीरियड ड्रामा हॉरर थ्रिलर म्हणून सर्वांचा आवडता सिनेमा मानला जातो. दिग्दर्शिका राही अनिल बर्वे यांनी हा सिनेमा अतिशय सुरेख पद्धतीने मांडला आहे. काही काळापूर्वी तुंबाडच्या पुन्हा रिलीजची घोषणा झाली, तेव्हा चाहते त्याची वाट पाहत होते. आता १३ सप्टेंबरला म्हणजेच काल, तुंबाडणे मोठ्या पडद्यावर पुन्हा एंट्री करून आश्चर्यकारक कामगिरी केली आहे. वास्तविक, ट्रेंड ॲनालिस्ट तरण आदर्श यांनी या सिनेमाच्या रि-रिलीजमध्ये पहिल्या दिवसाच्या कमाईचे आकडे मांडले आहेत. ज्याच्या जोरावर या चित्रपटाने गेल्या शुक्रवारी १.६५ कोटी रुपयांचे आश्चर्यकारक कलेक्शन केले आहे. विशेष गोष्ट अशी आहे की पुन्हा रिलीज होऊनही, तुंबाडने करीना कपूरचा नवीनतम चित्रपट द बकिंगहॅम मर्डर्सला देखील मागे टाकले आहे, ज्याची पहिल्या दिवसाची कमाई सुमारे १.२७ कोटी रुपये होती .
तुंबाडने ६ वर्षे जुना विक्रम मोडला!
यासोबतच तरणने २०१८ च्या ओपनिंग वीकेंडमध्ये तुंबाडचा बॉक्स ऑफिस परफॉर्मन्स कसा होता हे देखील सांगितले आहे. ही आकडेवारी पाहता तुंबाडने ६ वर्षांचा जुना रेकॉर्ड रि-रिलीझमध्ये मोडला आहे, असे म्हणता येईल. कारण री-रिलीझच्या पहिल्या दिवशी जे कलेक्शन दिसले ते २०१८ मध्ये पहिल्या तीन दिवसांतही दिसले नाही.
री-रिलीझ ट्रेंड!
बॉलिवूडमध्ये सध्या चित्रपट पुन्हा प्रदर्शित करण्याचा ट्रेंड सुरू आहे. अलीकडे ‘रॉकस्टार’, ‘दंगल’, ‘लैला मजनू’, ‘राजा बाबू’, ‘लव आज कल’, ‘पार्टनर’, ‘हम आपके है कौन’ आणि ‘मैने प्यार किया’ यांसारखे अनेक चित्रपट पुन्हा प्रदर्शित झाले आहेत. सर्वच चित्रपटांना कल्ट क्लासिकचा दर्जा मिळाला आहे. काही चित्रपटांनी मूळ रिलीजपेक्षा रि-रिलीजमध्ये जास्त कमाई केली आहे.
